ಐರ್ಲೆಂಡ್ ಡೈರಿ!!

ಈ ಏರ್ಪೋರ್ಟ್ ಅಲ್ಲಿ ಕೂತು ಕಾಯೋ ಕೆಲಸ ಇದಿಯಲ್ಲ ಇದರಷ್ಟು, ಮಹಾ ಬೋರಿಂಗ್ ಕೆಲಸ ಮತ್ತ ಯವುದೂ ಇರಲಿಕಿಲ್ಲ!! ಆ ಕಡೆ ನೆಮ್ಮದಿಯಿಂದ ಮಲಗೋ ಹಾಗಿಲ್ಲ, ಈ ಕಡೆ ಎಚ್ಚರ ಕೂರುವಷ್ಟು ಎನರ್ಜಿ ಇರೋದಿಲ್ಲ. ಎಲ್ಲ ಹಾರಾಟ ಅಲೆದಾಟ ತಿರುಗಾಟಗಳ ನಡುವೆ ಸಿಗುವ ತಂಗುದಾಣಗಳು ಯಾಕೋ ನನ್ನ ತಾಳ್ಮೆಗೆ ಸರಿ ಹೊಂದುವುದಿಲ್ಲ. ಇರಲಿ ವಿಷಯ ಅದಲ್ಲ, ಹೆಂಗೂ ಕೂತು ಬೋರ್ ಹೊಡಿತಿದೆ.. ಒಂದಷ್ಟು ಐರ್ಲೆಂಡ್ ಎಂಬ ದೇಶ, ಜನ, ಭಾಷೆ ಬಗ್ಗೆ ಬರೆಯೋಣ ಅಂತ....

ಇತಿಹಾಸ ನೋಡೋದಾದ್ರೆ.. ಇವರುಗಳು ನಮ್ಮಂತೆ ಬ್ರಿಟಿಷರ ಮುಷ್ಟಿಯಲ್ಲಿ ನರಳಿ, ನಮ್ಮ ಸ್ವಾತಂತ್ರ್ಯದ ನಂತರದ ವರ್ಷದಲ್ಲಿ ಇಂಡಿಪೆಂಡೆಂಟ್ ಆದ್ರೂ ಕೂಡ ಅರ್ಧದಷ್ಟು ಐರ್ಲೆಂಡ್ ಇತ್ತಿಚಿನವರೆಗೆ ಯುನೈಟೆಡ್ ಕಿಂಗ್ಡಮ್ ಭಾಗವಾಗಿಯೇ ಗುರುತಿಸಿಕೊಳ್ಳುತ್ತಿದ್ದರು. ಯುರೋಪ್ ನ ಭಾಗವಾಗಿದ್ದರೂ, ಶೆಂಗನ್ ರಾಷ್ಟ್ರಗಳಲ್ಲಿ ಗುರುತಿಸೊಕೊಳ್ಳದೇ, ತನ್ನದೇ ವಿಶಿಷ್ಟ ಅಸ್ತಿತ್ವವನ್ನು ಉಳಿಸಿಕೊಳ್ಳಲು ಬಡಿದಾಡಿ, ಯಶಸ್ವಿಯಾಗಿ ರಿಪಬ್ಲಿಕ್ ಆಫ್ ಐರಲೆಂಡ್ ಎಂದು ಅಂಗ್ಲೋ ಐರಿಶ್ ಟ್ರಿಟಿ ಸಹಿ ಮಾಡಿಕೊಂಡಿದ್ದು, ಬರೊಬ್ಬರಿ ಎಳುನೂರು ವರ್ಷಗಳ‌ ನಂತರ!! ಇವರದ್ದೇ ಆದ ಐರಿಶ್ ಭಾಷೆಯನ್ನು ಕೇವಲ ಐದರಿಂದ ಹತ್ತು ಪರ್ಸೆಂಟ್ ಜನ ಮಾತ್ರ ಮಾತನಾಡುತ್ತಾರೆ. ಬ್ರಿಟಿಷರ ಹಾವಳಿಯಿಂದ ಭಾಷೆಯನ್ನೆ ಮರೆತ ಜನರಿದ್ದಾರೆ ಇಲ್ಲಿ.

ಇಲ್ಲಿನ ಇವರ ಇಂಗ್ಲಿಷ್ ಆಕ್ಸೆಂಟ್ ನ ವಿಶ್ವದ ಸುಂದರ ಆಕ್ಸೆಂಟ್ ಅಂತಾನೆ ಹೇಳಬಹದು. ಅವರದೇ ಐರಿಶ್ ಭಾಷೆಯನ್ನ ಬಳಸುವರು ಅತೀ ವಿರಳ. ಇವರ ಇಂಗ್ಲಿಷ್ ನ ಕೇಳುವುದೇ  ಹಿತ... ಆದರೆ ನಮ್ಮ ಇಂಡಿಯನ್  ಇಂಗ್ಲೀಷ್  ಆಕ್ಸೆಂಟ್  ಇವರಿಗೆ ಅರ್ಥ ಅಗೂದೇ ಇಲ್ಲ.. ಅವರಂತೆ ರಾಗವಾಗಿ ಮಾತಾಡಿದರೆ ಮಾತ್ರ ಅರ್ಥ ಮಾಡ್ಕೊಂತಾರೆ. ಸುಂದರ ದ್ವೀಪದಲ್ಲಿನ ಈ ದೇಶದ ಜನ ಭಯಂಕರ ಸ್ವಾಭಿಮಾನಿ ಹಾಗೂ ಇಂಡಿಪೆಂಡೆಂಟ್‌ ಮನಸ್ಥಿತಿಯನ್ನು ಹೊಂದಿರುವವರು. 

ತುಂಬ ರಿಸರ್ವಡ್ ಆಗಿ ತಾವಾಯ್ತು ತಮ್ಮ ಕೆಲಸವಾಯ್ತು ಅನ್ನೋ ಗಂಟು ಮೂತಿಯ ಜನರ ಮಧ್ಯ ತುಂಬ ಫ್ರೆಂಡ್ಲಿಯಾಗಿ ಮಾತಾಡುವ ಹಲವು ಜನರು ಒಮ್ಮೆಲೆ ಭಯ ಬೀಳಿಸುತ್ತಾರೆ. ಬೀದಿಯಲ್ಲಿ ಸುಮ್ಮನೆ ನಡೆದು ಹೋಗುವಾಗ if your eyes catch their eyes, they make sure that they greet you. "Hey beautiful", "Hi lovely", "Have Lovely day.." ಅನ್ನೋ‌ದು ತೀರ casual greetings. ಮೊದಲ‌ಬಾರಿ ಹೋದವರಿಗೆ ಇವರ್ಯಾಕೆ‌ ಹಿಂಗ್ ಆಡ್ತಾರೋ ಯಪ್ಪಾ.. ಲವ್ಲಿ ನಾ? ನಾನಾ?? ಅಂತ ನಾವ್ ತಲಿ ತಲಿ‌ ಕೆಡಸ್ಕೊಳುವಷ್ಟರಲ್ಲಿ ಅವರು ನಮ್ಮನ್ನು ದಾಟಿ‌ ಇನ್ಯಾರನ್ಮೋ ಗ್ರೀಟ್ ಮಾಡಿಕೊಂಡು ಮುಂದೆ ಸಾಗಿರುತ್ತಾರೆ. 
ಸುಂದರ ಹುಡುಗಿಯರು, ವಾಲ್ ಪೇಪರಗಿಂತಲೂ ಚೆಂದದ ಜಾಗಗಳು, ಐರ್ಲೆಂಡ್ ಪ್ರವಾಸಿಗರ ಆಕರ್ಷಣೆಯ ತಾಣ.

ಮಕ್ಕಳಿಗಿಂತ ಜಾಸ್ತಿ ಬೀದಿಗಳಲ್ಲಿ ನಾಯಿಗಳದ್ದೇ ದರ್ಬಾರು! ಅವು ಮಾಡುವ ಹೊಲಸನ್ನು ಚೂರೂ ಬೇಜಾರಿಲ್ಲದೇ ಚೀಲದಲ್ಲಿ ಎತ್ತಿ ಎತ್ತಿ ಹಾಕುವ ನಾಯಿಗಳ ಓನರ್ಸ್, ಯಾರಿಗೂ ತೊಂದರೆ ಆಗದಂತೆ ತೀರ ಜಾಗೂರಕರಾಗಿ ನಡೆಯುವ ಜನ,‌ ನಾವು‌  ಫೋಟೋ ವಿಡಿಯೋ ತೆಗೆದುಕೊಳ್ಳುವಾಗ ಭಾರಿ ತಾಳ್ಮೆಯಿಂದ‌  ಕಾಯ್ದು ಕೂಡ, ವಾಪಸ್ ನಮಗೆ‌ ಸಾರಿ ಹೇಳಿ ಹೋಗುತ್ತಿದ್ದರು!! ಈ ಬ್ಯಾಗ್ ಪ್ಯಾಕ್ ಹಿಂದೆ ಹಾಕಿಕೊಂಡರೆ ಓಡಾಡುವಾಗ ಯಾರಿಗಾದರೂ ತಾಗೀತೂ ಅಂತ ಅದನ್ನು ಮುಂದೆ ನೇತು ಹಾಕಿಕೊಂಡು ಓಡಾಡುವಷ್ಟು ಒಳ್ಳೆ ಜನ!

ವೈಪರೀತ್ಯಗಳಿಂದ ಕೂಡಿದ ಹವಾಮಾನ, ಆಲುಗಡ್ಡೆ ಬಿಟ್ಟರೆ ಇನ್ನೆನೂ ಬೆಳೆಯದ ಪರಿಸ್ಥಿತಿ. ಅಲ್ಲೊಂದು ಇಲ್ಲೊಂದು ಆಪಲ್ ಗಿಡ ಕಂಡಿದ್ದು ಬಿಟ್ಟರೆ ಇವರ ಕೃಷಿ ಮಾರುಕಟ್ಟೆ ಬೇರೆ ದೇಶಗಳ ಮೇಲೆಯೇ ಅವಲಂಬಿತವಾಗಿದೆ. ಐರಿಶ್ ಹಸು ಹಾಗೂ ಕುರಿಗಳು ತುಂಬ ಫೇಮಸ್. ಇಲ್ಲಿನ‌ ಫುಲ್‌ಫ್ಯಾಟ್ ಮಿಲ್ಕ್ ಹಾಗೂ ಗೋಟ್ ಚೀಸ್ ಒಮ್ಮೆ ಸವಿಯಲೇಬೇಕು!!

ಆದರೆ ವೆಜಿಟೆರಿಯನ್ನ್ ಗೇ ಮಾತ್ರ ಭಾರೀ ನಿರಾಸೆ ತರಿಸುವ ರೆಸ್ಟೊರೆಂಟ್ ಗಳು. ಅಲ್ಲಲ್ಲಿ ಸಿಗುವ ಇಂಡಿಯನ್‌ ರೆಸ್ಟೊರೆಂಟ್ ಕೂಡ ಉಪ್ಪು ಖಾರ ಕಮ್ಮಿ ಹಾಕಿನೇ‌ ಅಡುಗೆ ಮಾಡ್ತಾರೆ.

ಜೆಟ್ ಸ್ಪ್ರೆ ಇಲ್ಲದ ಬಾತರೂಮ್, ಬಿಸಿಲಲ್ಲೂ ಕೋಟ್ ಧರಿಸಿ ಹೊರಹೋಗುವ ಪಧ್ದತಿ, ಎಷ್ಟೇ ಉಪ್ಪು ಹಾಕಿಕೊಂಡರೂ ಉಪ್ಪೇ ಇಲ್ಲ ಎನಿಸೋದು, ಸಿಹಿಯೇ ಇಲ್ಲದ ಸಕ್ಕರೆ, ಒಂದು ಕಪ್ಪು ಕಾಫಿಗೆ ಅಥವಾ ಚಹಾಕ್ಕೆ ಹನಿಯಷ್ಟು ಹಾಲು ಹಾಕಿಕೊಂಡು ಕುಡಿಯುವ ಪಧ್ದತಿ, ರಾತ್ರಿ ಒಂಭತ್ತು ಗಂಟೆಯವರೆಗೂ ಇರುವ ಬೆಳಕಿಗೆ ಅಡ್ಜಸ್ಟ್ ಆಗೋದು ಸ್ವಲ್ಲ ಕಷ್ಟ. ಆದರೂ ಕುಡಿಯುವವರ ಸ್ವರ್ಗವೆಂದೇ ಹೇಳಬಹುದು, ಬೆಳಿಗ್ಗೆ ಎದ್ದಾಗಿಂದ ಸಂಜೆವರೆಗೂ ಎಲ್ಲ ರೆಸ್ಟೋರೆಂಟ್ ಗಳಲ್ಲಿ ನಮ್ಮಲ್ಲಿ‌ ನೀರು ಕೊಡುವಂತೆ ಅಲ್ಲಿ ಲೀಕರ್ ಕೊಟ್ಟೇ ಮೆನು ಕೊಡುತ್ತಾರೆ.  ಹಣ್ಣು ಹಣ್ಣು ಮುದುಕರಾದರೂ ನಮಗಿಂತ ಗಟ್ಟಿ ಅಲ್ಲಿನ ವಯೋವೃಧ್ದ ಜನ. ಇಲ್ಲಿನ ಕ್ಲಿಫ್ ವಾಕಿಂಗ್ ಹೋದರೆ ನಿಮಗೆ ಸರಾಸರಿ ಅರವತ್ತರ ನಂತರದ ವಯಸ್ಸಿನ‌ ಜನರೇ ಸಿಗುತ್ತಾರೆ ಮತ್ತೆ ನಾವುಗಳು ಎದೆಯುಸಿರು ಬಿಡುತ್ತ ಇನ್ನಾಗಲ್ಲ ಎನ್ನುವಾಗ ಅವರಾಗಲೇ ಬೆಟ್ಟದ ತುದಿ ಮುಟ್ಟಿ ವಾಪಾಸ್ ಬಂದಿರುತ್ತಾರೆ. ಫಿಟ್ನೆಸ್ ಹ್ಯಾಸ್ ನೋ ಎಜ್ ಲಿಮಿಟ್ ಅನ್ನೋವಷ್ಟು ಗಟ್ಟಿ ಜನ!!

ಆ ವಯಸ್ಸಲ್ಲೂ ಚೆಂದನೆ ರೆಡಿಯಾಗಿ, ಲೂಸ್ ಹೇರ್ ಬಿಟ್ಟು, ಮುತ್ತಿನ ಕ್ಲಿಪ್ ಹಾಕಿಕೊಂಡು, ಶಾರ್ಟ್ ಫ್ರಾಕ್ ಹಾಕಿ, ಕೆಂಪು ಲಿಪಸ್ಟಿಕ್, ಕೆಂಪು ನೇಲ್ ಕಲರ್,ಮ್ಯಾಚಿಂಗ್ ಸ್ಯಾಂಡಲ್ಸ್ ಹಾಕಿಕೊಂಡು ಬಸ್ ಹತ್ತು ಅಜ್ಜಿಯರನ್ನು ನೋಡುವುದೇ ಒಂದು ಸಂಭ್ರಮ. Honey... Careful ಅಂತ ಅಜ್ಜಿಯ ಕಾಳಜಿ ಮಾಡುವ ಹ್ಯಾಂಡ್ಸಮ್ ಅಜ್ಕಂದಿರೂ ಏನೂ ಕಮ್ಮಿಯಿಲ್ಲ.  ಆ ವಯಸ್ಸಲ್ಲೂ ಟೀನೇಜ್ ನವರಂತೆ ಆದರೆ ಎಲ್ಲೇ ಮೀರದಂತೆ ಅವರಾಡುವ ಮಾತು, ಹಾಸ್ಯ, ರೊಮ್ಯಾನ್ಸ್ ಎಲ್ಲದೂ ಚೆಂದ 😍🤗

ಭಾರತೀಯರಿಗೆ ಅಲ್ಲಿನ ಎಂಬೆಸಿ ಒಂದು ವಿಶಿಷ್ಟ ಸವಲತ್ತು ಕೊಟ್ಟಿದೆ ನೀವು ಟೂರಿಸ್ಟ್ ಅಥವಾ ಆಫಿಸ್ ಕೆಲಸದ ಮೇಲೆ ಶಾರ್ಟ್ ಸ್ಟೇ ವಿಸಾ ಅಪ್ಲೈ ಮಾಡಿದ್ದಿರಾದರೆ, ನಿಮಗೆ ಬ್ರಿಟಿಷ್ ಐರಿಶ್ ವೀಸಾ ಎಂಡೋರ್ಸ ಮಾಡಿಕೊಳ್ಳುವ ಆಪ್ಷನ್ ಇದೆ. ಸೆಪೆರೇಟ್ ಆಗಿ ಯುಕೆ ವೀಸಾ ಅಗತ್ಯವಿಲ್ಲ. ಕಾಮನ್ ಟ್ರಾವೆಲ್‌ ಎರಿಯಾದಲ್ಲಿ ಎಷ್ಟು ಸಲ ಬೇಕಾದರೂ ಓಡಾಡಬಹುದು. ಮತ್ತು ಕೇವಲ ಒಂದು ಗಂಟೆಯ ಫ್ಲೈಟ್ ನಿಮ್ಮನ್ನು ಡಬ್ಲಿನ್ ಇಂದ‌ ಲಂಡನ್ ಗೆ ಕರೆದೊಯ್ಯುತ್ತದೆ!!

#dublindiaries

ಸೋಲಿಗರ ಸಂಗಡ

 ಭಾಷೆ ಅನ್ನೋದು ಎಂತಹ ದೊಡ್ಡ ಶಕ್ತಿ ಅಂತ ತುಂಬಾ ಸಲ ಯೋಚಿಸಿದ್ದೀನಿ, ಯಾಕೆ ನಮ್ಮ ಭಾಷೆಯವರನ್ನ ಕಂಡ್ರೆ ನಮ್ಮವರೇ ಅನ್ನೋ ಭಾವನೆ ಬರುತ್ತೆ, ಭಾಷೆ ಕೇವಲ ಸಂಹವನ ಮಾಧ್ಯಮ ಅಷ್ಟೇ ಅಂತ ಎಣಿಸೋದಾದರೆ, ನಮಗೆ ಗೊತ್ತಿರುವ ಯಾವುದೊ ಒಂದು ಕಾಮನ್ ಭಾಷೆ ಮಾತಾಡಬಹುದು, ಆದ್ರೂ ನಾವು  ಪ್ರಿಫರ್  ಮಾಡೋದು ಮಾತೃಭಾಷೆ!! ನಮ್ಮ್ ನಿಜವಾದ ಅಭಿವ್ಯಕ್ತವನ್ನು ನಮ್ಮ ಭಾಷೆ ಮಾತ್ರ ಕೊಡಬಲ್ಲುದು, ನಮ್ಮ ಸಂಸ್ಕೃತಿ, ನಮ್ಮತನ, ನಮ್ಮ ಆಚರಣೆ, ನಮ್ಮ ಅನನ್ಯತೆ ಎಲ್ಲದೂ ಒಂದು ಭಾಷೆ ಎಂಬ ಶಕ್ತಿ ಎತ್ತಿ ಹಿಡಿಯುತ್ತೆ. 

ಇಷ್ಟೆಲ್ಲಾ ಪೀಠಿಕೆ ಯಾಕೆ ಅಂದ್ರ, ಒಂದು ಭಾಷೆ ನಶಿಸಿ ಹೋದರೆ ಅದರೊಟ್ಟಿಗೆ ಬೆಸೆದುಕೊಂಡ ಎಲ್ಲವು ಹೆಸರಿಲ್ಲದೆ ಅಳಿಸಿ ಹೋಗುತ್ತೆ, ಅನೇಕ ಭಾಷೆಗಳು ಈಗಾಗಲೇ ಸತ್ತು ಹೋಗಿದ್ದಾವೆ. ಅಂತಹ endangered ಪಟ್ಟಿಯಲ್ಲಿ ನಮ್ಮ ರಾಜ್ಯದಲ್ಲೇ ವಾಸವಾಗಿರುವ ಬುಡಕಟ್ಟು ಸಮುದಾಯ ಸೋಲಿಗರ ಭಾಷೆ ಕೂಡ. ಅದನ್ನು ಉಳಿಸುವುದು ಯಾಕೆ ಅವಶ್ಯಕತೆ ಅಂದ್ರೆ, ಹಳಬರನ್ನು ಹೊರತು ಪಡಿಸಿ ಈಗಿನ ತಲೆಮಾರಿನ ಮಕ್ಕಳು ಕನ್ನಡ ಮಿಶ್ರಿತ ಇಂಗ್ಲಿಷ್ ಭಾಷೆಗೆ ಒಗ್ಗಿಕೊಂಡು, ಅವರ ಪೂರ್ವಜರು ಅವರ ಕಾಡಿನ ಔಷಧಿಗಳು, ಸೊಪ್ಪುಗಳು, herbs ಇದನ್ನೆಲ್ಲಾ ಅವರುಗಳು ತಮ್ಮ ಮೂಲಭಾಷೆಯ ಪದಗಳೊಂದಿಗೆ ನೆನಪಿಟ್ಟುಕೊಂಡಿದ್ದಾರೆ, ಅದು ಕನ್ನಡಕ್ಕಿಂತ ಸ್ವಲ್ಪ ಭಿನ್ನ. 

ಈಗಿನ ತಲೆಮಾರಿನವರು ಅವರ ಮೂಲಭಾಷೆಯನ್ನು ಮಾತನಾಡುವುದಿಲ್ಲ  ಮತ್ತು  ಆ ಪರಂಪರೆಯನ್ನು ಅವರ ಭಾಷೆಯ ಸೊಗಡಿನಲ್ಲೇ ಮುಂದುವರೆಸಬೇಕು ಎನ್ನುವು ಆಸೆ ಇದ್ದರೂ ಕೂಡ, ಕನ್ನಡಕ್ಕೆ ಒಗ್ಗಿ ಹೋಗಿ ಮೂಲಭಾಷೆ ಮರೆಯುತ್ತಿದ್ದಾರೆ.  ಇಲ್ಲಿ ಎರಡು ತಲೆಮಾರಿನ ಅಂತರದಲ್ಲಿ ಭಾಷೆ ಸೊರಗುತ್ತಿದೆ.  ಏನ್ ಮಹಾ ಲಾಸ್ ಬಿಡಿ ಅಂತ ಮೇಲು ನೋಟಕ್ಕೆ ಅನಿಸಿದರೂ, ಭಾಷೆಯನ್ನು ಉಳಿಸದೇ ಹೋದರೆ ಸೋಲಿಗರ ಫಾರೆಸ್ಟ್  ಮೆಡಿಸಿನಲ್ knowledge ಹೇಳ ಹೆಸರಿಲ್ಲದೆ ಮಾಯವಾಗುತ್ತದೆ. ಹಿತ್ತಲ ಗಿಡ ಮದ್ದಲ್ಲ ಅಂತ  ನಾವು ತೋರಿಸುವ ಉದಾಸೀನವನ್ನ ಬಂಡವಾಳ ಮಾಡಿಕೊಂಡು  ಬೇರೆ ದೇಶದವರು ನಮ್ಮದೇ ಜ್ನ್ಯಾನವನ್ನು ಸದ್ದಿಲ್ಲದೇ ಎತ್ತಿಕೊಂಡು ನಮಗೆ ವಾಪಾಸ್ ಮಾರುವ ಕಾಲ ದೂರವಿಲ್ಲ. 

ಹಾಗಾಗಿ , ನಮ್ಮ ಸೋಲಿಗರನ್ನ ಮಾತನಾಡಿಸಲು ಎರಡನೇ ಸಲ ಹೋಗಿದ್ವಿ . ಈ ಸಲ ಅವರದ್ದೇ ಭಾಷೆಗೆ ಭಾಷಾಂತರ ಮಾಡುವ ಸ್ಪೀಚ್ ಟು ಸ್ಪೀಚ್ ಟ್ರಾನ್ಸ್ಲೇಷನ್ ಮಾಡೆಲ್ ರೆಡಿ ಮಾಡಿಕೊಂಡು, ಅವರ ಅನಿಸಿಕೆ ತೊಗೊಳೋಣ ಅಂತ ಅವರನ್ನು ಕರೆಸಿ ಟೆಸ್ಟ್ ಮಾಡಿಸಿದ್ವಿ . It was a lovely experience. ಇಂಗ್ಲಿಷ್ ಇಂದ ಸೋಲಿಗ ಭಾಷೆಗೆ ಹಾಗೂ ಸೋಲಿಗ ಭಾಷೆ ಇಂದ ಇಂಗ್ಲಿಷ್ ಗೆ ಭಾಷಾಂತರ ಮಾಡುವ ಪ್ರಾಜೆಕ್ಟ್ ಅನ್ನು ಭಾರತ  ಸರ್ಕಾರ ಪ್ರಾಯೋಜಿಸಿದೆ. .

ಅಜ್ಜಿಯರು, ಮಹಿಳೆಯರು , ಪುರುಷರು ಹಾಗೂ ಶಾಲೆಯ ಮಕ್ಕಳೊಂದಿಗೆ ಬೆರೆತು ಅವರ ಅಮೂಲ್ಯ ಪ್ರತಿಕ್ರಿಯೆ ಪಡೆಯಲಾಯಿತು. ಇನ್ನೂ ಬಾಲ್ಯಾವಸ್ಥೆಯಲ್ಲಿರುವ ಈ ಕೃತಕ ಬುದ್ಧಿಮತ್ತೆ ಹೊಂದಿರುವ ಮಷೀನ್ ಗೆ ಇನ್ನಷ್ಟು ಡೇಟಾ ಅವಶ್ಯಕೆತೆ ಇದೆ, ಸಧ್ಯದ ಮಟ್ಟಿಗೆ ನಿಯಮಿತ ವಾಕ್ಯಗಳನ್ನು ಮಾತ್ರ ತಪ್ಪಿಲ್ಲದೆ ಭಾಷಾಂತರ ಮಾಡುತ್ತಿದೆ

ಜನಮಣ್ಣನೇ ಮಾತ್ರವೇ ಸಾಧನೆಯ ಮಾನದಂಡವೇ?

ಈ ದುರಿತ(?) ಕಾಲದಲ್ಲಿ ಏನೇ ಹೇಳಿದ್ರೂ ಏನೇ ಬರೆದರೂ ಕಾಂಟ್ರವರ್ಸಿ ಆಗುತ್ತೆ. ಪ್ರತಿಯೊಬ್ಬರಿಗೂ ತಮಗನಿಸಿದ್ದನ್ನ ನೇರ ನೇರ ಹೇಳುವ ವೇದಿಕೆ ಸಿಕ್ಕಾಗಿದೆ. ಈ ವೇದಿಕೆಗಳನ್ನೂ ತಮ್ಮ ರಾಜಕೀಯ ಹಾಗೂ ಸೈಧ್ದಾಂತಿಕ ಸಮೂಹಸನ್ನಿಗೆ ಒಳಪಡಿಸಿಕೊಳ್ಳುವ ಟ್ರಿಕ್ಸ್ ಕೂಡ ನಿಷ್ಪಕ್ಷಾತವಾಗಿ ಎಲ್ಲರೂ ಕಲಿತಿದ್ದಾರೆ‌. ಸೋ ರಾಜಕೀಯ ಹಾಗೂ ಜನರ ಪಲ್ಸ್ ಹೆಚ್ಚಿನ ಸಮಯದಲ್ಲಿ ಬೇರ್ಪಡಿಸಲಾಗದ ಎಂಟಿಟಿಸ್. ಹಾಗಾಗಿ ಸೋಷಿಯಲ್ ಮೀಡಿಯಾ ಒಪಿನಿಯನ್, ಜೆನರಿಕ್ ಆಗಿ ಒಂದು ಪ್ರಾಂತ್ಯದ, ಒಂದು ಕಮ್ಯುನಿಟಿಯ ಓವರ್ ಆಲ್ ಕನ್ಕ್ಕ್ಲೂಷನ್ ಪಾಸ್ ಮಾಡುತ್ತಲಿರುತ್ತೆ!!

ನಮಗರಿವಿಲ್ಲದೇ ನಮ್ಮ ಒಪಿನಿಯನ್ ಡೇಟಾ ರೂಪದಲ್ಲಿ ಎಲ್ಲಕಡೆ ಹರಿದಾಡಿ, ಬೇಕಾದ ರೀತಿಯಲ್ಲಿ ಬಳಸಿಕೊಂಡಿರಲಾಗುತ್ತೆ. Agree to terms and conditions ಅಂತ ಓದದೇ ಟಿಕ್ ಮಾಡಿದ ಎಲ್ಲ ಅ್ಯಾಪ್ ಗಳು ನಮ್ಮ ಖಾಸಗೀತವನ್ನ ಮಾರಿಕೊಂಡೇ ದುಡ್ಡು ಮಾಡುತ್ತಿವೆ!

ವಿಷಯಕ್ಕೆ ಬರುವುದಾದರೇ, ನಮ್ಮಲ್ಲಿ ಸುಲಭವಾಗಿ ಜನರಿಗೆ ತಲುಪಬಹುದಾದ ಒಂದೇ ಒಂದು ಮಿಡಿಯಮ್ ಅಂದ್ರೆ ಅದು ಸಿನಿಮಾ, ಅದನ್ನ ನೋಡಲು, ಕ್ರಿಟಿಸೈಜ್ ಮಾಡಲು, ಆರಾಧಿಸಲು ಇಲ್ಲ ಸುಮ್ನೆ ಎಂಟರ್ಟೇನ್ಮೆಂಟ್‌ ತೊಗೊಳ್ಳಲು, ಯಾವುದೇ ಡಿಗ್ರಿ, ಯಾವುದೇ ಪರಿಣಿತಿ ಅಸಲಿಗೆ ಬೇರ್ ಮಿನಿಮಮ್ ಎಂಬ ಸ್ಕಿಲ್ಸ್ ನ ಅವಶ್ಯಕತೆಯೇ ಇಲ್ಲ!! ಇಂತಹ ಸುಲಭವಾಗಿ ಜನರನ್ನು ರೀಚ್ ಆಗುವ ಮಾರ್ಗವನ್ನು, ಹೆಸರು ಮಾಡುವ, ಸಾಧನೆ ಮಾಡುವ ದಾರಿ ಅಂತ ಹೇಳೋದೇನೋ ಸರಿ, ಆದರೆ ಪಾಪ್ಯುಲಾರಿಟಿ ಒಂದನ್ನೇ ಸಾಧನೆಯ ಮಾನದಂಡ ಅಂತ ಮಾಡಿದಾಗ, ಸಾಧಕ ಎನ್ನುವ ಪದಕ್ಕೇ ಅವಮಾನ ಮಾಡಿದಂತಾಗುತ್ತದೆ!

ಅಲ್ಲೆಲ್ಲೋ ಹಗಲು ರಾತ್ರಿ ನಿದ್ದೆಗಟ್ಟಿ ಇಸ್ರೋದಲ್ಲಿ ಕೋಡ್ ಬರೆಯುವ, ತಂತ್ರಜ್ಞಾನದ ವಿಜ್ಞಾನಿಗಳು ಯಾರೆಂಬುದು ಕೂಡ ಜನರಿಗೆ ಗೊತ್ತಾಗದೇ ನಮ್ಮ ರಾಕೆಟ್ ಉಡ್ಡಯನವಾಗಿರುತ್ತೆ. ಕಂಡಕ್ಟರ್ ಕೆಲಸ ಮಾಡುತ್ತ ಯುಪಿಎಸಿ ಪಾಸ್ ಮಾಡಿದ ಹುಡುಗ ಒಂದು ದಿನದ ಪ್ರತಿಕೆಯ ಸುದ್ದಿ ಯಾಗಿ ಮರೆಯಾಗುತ್ತಾನೆ. ಇಂಡಿಜಿನಿಸ್ ಭತ್ತವನ್ನು ಕಾಪಿಟ್ಟ ರೈತ ರಾಷ್ಟ್ರಪ್ರತಿಗಳಿಂದ ಪ್ರಶಸ್ತಿ ಪಡೆದೂ, ನಮ್ಮ ಮೆಮೊರಿಯಲ್ಲಿ ಉಳಿಯಲಾರ. ನಮ್ಮ ಸುತ್ತ ಮುತ್ತಲಿನ ಸಾಧಕರಿಗೆ ಆಮತಹದ್ದೇನೋ ದೊಡ್ಡ ರೀಚ್ ಸಿಗೋದಿಲ್ಲ. ನಮ್ಮಂತೆ ಬದುಕು ನಡೆಸುವವರು, ದಿನ ನಮಗೆ ಸಿಗುವವರು, ನಮಗೆ ಆರಧನಾ ವ್ಯಕ್ತಿತ್ವಗಳಾಗೋದು ತೀರ ವಿರಳ.

ಅದೇ ಲಾರ್ಜರ್ ದ್ಯಾನ್ ಲೈಫ್ ಎಂಬ ಸುಡೋ ಮುದ ನಿಡುವ ಸಿನಿಮಾ, ಅದರಲ್ಲಿನ ವೈಭವೀಕರಣ, ಗ್ಲಾಮರ್, ಇದ್ಯಾವುದನ್ನೂ ನಿಜ ನೀವನದಲ್ಲಿ ಅನುಭವಿಸಲಾಗದ ಕಾರಣಕ್ಕೆ ಜನ ಸಲೀಸಾಗಿ ಅದರ ಮೋಹಕ್ಕೆ ಒಳಗಾಗುತ್ತಾರೆ, ಮತ್ತೆ ಅಲ್ಲಿ ಕಾಣುವ ತಾರೆಯರನ್ನು ತಲೆ ಮೇಲೆ ಹೊತ್ತು ಮೆರಯುತ್ತಾರೆ. That has helped them to experience some adrenaline rush in some way! ಅದನ್ನು ಇನ್ಯಾವುದೇ ಮಾರ್ಗ ಅಷ್ಟು ಸುಲಭವಾಗಿ ದಕ್ಕಿಸುವದಿಲ್ಲ.

ಸೋಷಿಯಲ್ ಮೀಡಿಯಾ ಬಂದ ಮೇಲಂತೂ ಫಾಲವರ್ಸ ಹೊಂದಿರುವ ಎಲ್ಲರೂ ಇನ್ಪ್ಲುಯೆನ್ಸರ್ಸ ಹಾಗೂ ಕಂಟೆಂಟ್ ಕ್ರಿಯೆಟರ್ಸ್. ಅದು ಕೂಡ ಈಗ ಜನಪ್ರಿಯತೆ ಜೊತೆಗೆ ಹೊಟ್ಟೆ ಪಾಡಿನ ಸಾಧನವಾಗಿದೆ.. ಇಲ್ಲಿ ಸರ್ವೈವ್ ಆಗೋದು ಕೂಡ ಅವರವರ ಕ್ರಿಯೆಟಿವಿಟಿಯ ಸರ್ವೈವಲ್ ಆಫ್ ದಿ ಫಿಟ್ಟೆಸ್ಟ್ ಎಂಬ ಅಂಶವೇ!!

ಅದೇ ರೀತಿ ಸಾಹಿತ್ಯ, ಸಂಗೀತ, ವಿಜ್ಞಾನ, ಕ್ರೀಡೆ, ನೃತ್ಯ, ಹಾಸ್ಯ, ವೈದ್ಯಕೀಯ,  ಇದೆಲ್ಲ ಕ್ಷೇತ್ರ ಆಯಾ ಕ್ಷೇತ್ರದ ಪರಿಣಿತಿಯನ್ನೂ ಮತ್ತು ಅದೇ ಕಮ್ಯಿನಿಟಿಯ ಜನರ ಪ್ರಶಂಸೆಗೆ ಹಾಗೂ ಮೆಚ್ಚುಗೆಗೆ ಪಾತ್ರವಾಗುವಂಥದ್ದು, ಯಾವುದಕ್ಕೆ ಪರಿಣತಿ ಬೇಕೋ ಅದಕ್ಕೆ ಹೆಚ್ಚಿನ ರೀಚ್ ಸಿಗುವುದಿಲ್ಲ, ಸುಲಭವಾಗಿ ಲೆಯ್ ಮ್ಯಾನ್ ಗೆ ಅರ್ಥವಾಗುವ ಭಾಷೆ ಸಿನೆಮಾ ಮಾತ್ರ!

ಮತ್ತು ಅಲ್ಲಿ ಸಿಗುವ ಸಾಧನೆ ಇಂಡೈರೆಕ್ಟ್ ಆಗಿ ಮೇಲಿನ ಹಲವು ಬೇರೆ ಕ್ಷೇತ್ರಗಳಿಗೆ ಪರೋಕ್ಷವಾಗಿ ಸಹಾಯ ಮಾಡಿರುತ್ತೆ, ಒಂದು ಸಿನಿಮಾದ ಸಾಧನೆ ಕೇವಲ ಒಂದೇ‌ ಕಮ್ಯುನಿಟಿಯ ಸಾಧನೆ ಆಗುವುದಿಲ್ಲ. Lot of ಪೀಪಲ್ ಹ್ಯಾವ್ ಶೇರ್ ಇನ್ ಇಟ್. ದುಡ್ಡು ಮಾಡುವುದನ್ನು ಹೊರತುಪಡಿಸಿ, ಹಲವು ಉದ್ಯೋಗಗಳನ್ನು ಸೃಷ್ಟಿಸುತ್ತದೆ. ಹಾಗಾಗಿ ಅದಕ್ಕೇ ಹೆಚ್ಚಿನ ಜನಮಣ್ಣನೇ ಕೂಡ ಇದ್ದೇ ಇದೆ. ಇದಷ್ಟೇ  ಸಾಧನೆಯೋ ಎಂದು ಕೇಳುವವರು ಸರಿಯೆ! ಹಾಗೂ ಬೇರೆಯವರನ್ನು ತಂದು ಕೂರಿಸಿದಾಗ ಅದಕ್ಕೆ ಸಿಗುವ ಟಿ ಆರ್ ಪಿಯ ಆತಂಕ ವ್ಯಕ್ತ ಪಡಿಸುವ ಬಿಸಿನೆಸ್ ಮೈಂಡ್ ಗಳು ಕೂಡ ಸರಿಯೆ!! ನಾವು ಬಳಸುವ ಎಲ್ಲ ಎಲಕ್ಟ್ರಾನಿಕ ಸಾಧನ ಗಳ ಬೆನ್ನೆಲುಬಾಗಿರುವ ಸೆಮಿಕಂಡಕ್ಟರ್ ನ ಲೆಜೆಂಡ್, ಹಾಗೂ Moore's law ಜನಕ ಇವತ್ತು ಇಲ್ಲವಾಗಿದ್ದೂ ಹಲವು ಜನರಿಗೆ ಸುದ್ದಿಯೇ ಅಲ್ಲ!!

ಇಲ್ಲಿ ಎಲ್ಲದೂ ಅವರವರ ಲಾಭ ನಷ್ಟಗಳ ಲೆಕ್ಕಾಚಾರಾದಲ್ಲಿ ನಡೆಯುವಂಥದ್ದು, ಬೇಕೋ ನೋಡಿ, ಬೇಡವಾ ಬಿಡಿ ಎಂಬ ಕಾಲಘಟ್ಟದಲ್ಲಿರುವಾಗ, ಇಂತಹ ವ್ಲಾಗರ್ ಅಥವಾ ಬ್ಲಾಗರ್ ನ ಕರೆಸಿ ಅವರೇ ಸಾಧಕರು ನೀವು‌ ಕರೆಸಿರುವವರದ್ದೇನು ಸಾಧನೆ ಎಂದು ಕೇಳುವುದು ಅಥವಾ ಹೇಳುವುದು  ಬಾಲಿಶವಾಗುತ್ತದೆ. Because Success is very subjective!! ಹೇಗೆ ಜೀವನ ಎಂಬುದಕ್ಕೆ ನಿಖರವಾದ ಡೆಫಿನಿಷನ್ ಇಲ್ವೋ , ಹಾಗೆಯೆ ಸಾಧನೆಗೆ ಕೂಡ!! ಬಟ್ ಜನಮಣ್ಣನೇ ಮಾತ್ರವೇ ಸಾಧನೆಯ ಮಾನದಂಡ ಅಲ್ಲವೆಂಬುದು ಮಾತ್ರ ಸರ್ವಕಾಲಿಕ ಸತ್ಯವೇ!!

PS: when journo in me woke up after a year 😜☺😎